redbad, de legindaryske kening

fuortset ûnderwiis

7 septimber 2026 o/m 7 febrewaris 2027

Reizgje werom nei it Frisia fan de 7e en 8e iuw en stap yn ’e wrâld fan kening Redbad! Yn de iere midsiuwen strekte Frisia him út fan de Nederlânske oant de Noard-Dútske kust en it Utertske rivieregebiet. Wittenskippers út Nederlân en Dútslân út ferskillende dissiplines wei hawwe ferrassende nije ynsichten opdien oer Redbad en syn tiid. Yn it Fries Museum komt dy spannende wrâld as noait tefoaren ta libben oan ’e hân fan bysûndere foarwerpen en ferhalen.

ûnderwiisprogramma

It ûnderwiisprogramma foar it fuortset ûnderwiis biedt in ôfwikseljende en aktive museumûnderfining. Learlingen wurkje mei boarnen, bylden, koarte opdrachten en petearen oangeande tema’s lykas byldfoarming, religy, striid en macht. Se ûntdekke hoe’t skiednis, archeology en leginden byelkoar komme en lizze ferbining mei de lesstof op skoalle oer de midsiuwen. Yn de tentoanstelling wurde de learlingen útdage om sels nei te tinken oer de tema’s. Hoe ferhâldt de wrâld fan hûnderten jierren lyn him ta ús en de wrâld fan no?

Doelgroep	fû ûnderbou en boppebou - alle nivo’s
Wurkfoarmen	sjen, ûndersykje, ferbyldzje, gearwurkje, miening foarmje, fertelle, tekenje, skriuwe
Leargebieten	Fryske taal en kultuer, boargerskip, mins en maatskippij en keunst en kultuer
Oansluting by	Skiednis: tiidfak 3, muontsen en ridders, V.1.2, Kausaliteit, V1.3. Kontinuïteit en feroaring, V.2.2. Boarne en fraachstelling en V3.1. Betsjutting foar it no. Fryske taal en kultuer: kearndoel 1, 2 en 5.
Lingte	museumbesite fan 60-75 minuten museumbesite yn kombinaasje mei oanslutende workshop yn it atelier: 120 minuten kombinaasjeprogramma HCL-Tresoar-Fries Museum: gearstalling op maat

kick-offs ûnderwiisprogramma's

meld dy oan

ynkoarten: kening redbad

5 september 2026

kombinaasjeprogramma fries museum, histoarysk sintrum ljouwert en tresoar

Untdek yn it Fries Museum it ferhaal fan Frisia yn de 7de en 8ste iuw, dûk by Tresoar yn de Aldfryske taal en de Aldfryske wetten en ûndersykje by HCL de archeologyske fynsten út it Aldehoustertsjerkhôf. It kombinaasjeprogramma is op oanfraach mooglik op ferskate tiisdeis en tongersdeis fanôf 12 novimber o/m 17 desimber 2026. De gearstalling meitsje wy op maat, yn oerlis.

boek oanslutend in kreative ambachtsworkshop yn it atelier

It ûnderwiisbesyk wurdt noch leuker mei in workshop yn it atelier:

Meitsje dyn eigen fibula (mantelspjelde) fan izertried en glêskralen
Untwerp dyn eigen munt mei help fan embossen

Net ferplichte, wol superleuk!

tarieding yn ’e klasse

Tsjil Tsjekt Kening Redbad – Frysk mei Nederlânske ûndertiteling

Besjoch yn ’e klasse de earste of alle fjouwer ôfleveringen fan de fideosearje fan Tsjil Tsjekt oer Redbad en syn tiid. Untwikkele troch Omrop Fryslân yn gearwurking mei Afûk, Cedin en Fries Museum. Mei yngong fan 14 septimber 2026 online.

Rollespul Mythemakers yn ’e maak

Op dit momint ûndersykje wy mei Mythemakers oft it rollespul Mythwatch: the Age of Redbad geskikt is foar VO-learlingen, hâld dizze website yn ’e gaten!
Spilers belibje op in ynteraktive wize de tiid fan Redbad.

mythwatch: the age of redbad

histoarysk ûndersyk wurdt spylber

praktysk

Sjoch foar mear praktyske dingen oer boekingen hjir.

praktische informatie

openingstijden, museumdocenten, prijzen en meer