redbad, de legindaryske kening

primêr ûnderwiis

7 septimber 2026 o/m 7 febrewaris 2027

Reizgje werom nei it Frisia fan de 7e en 8e iuw en stap yn ’e wrâld fan kening Redbad! Yn de iere midsiuwen strekte Frisia him út fan de Nederlânske oant de Noard-Dútske kust en it Utertske rivieregebiet. Wittenskippers út Nederlân en Dútslân út ferskillende dissiplines wei hawwe ferrassende nije ynsichten opdien oer Redbad en syn tiid. Yn it Fries Museum komt dy spannende wrâld as noait tefoaren ta libben oan ’e hân fan bysûndere foarwerpen en ferhalen.

ûnderwiisprogramma

It ûnderwiisprogramma foar groep 6, 7 en 8 biedt in ôfwikseljende en aktive museumûnderfining. Untdek alle gesichten fan Redbad yn in tiid fol striid, feroaring en drege beslissingen. Learlingen wurde útdage om nei te tinken. Wat makke Redbad ta in kening? Wat soesto dwaan as kening wannear’t dyn lân, macht en wize fan libjen bedrige wurde soe? Watfoar liederskipseigenskippen hat in kening? En watfoar liederskipseigenskippen sitte yn dy? Hoe giesto mei dysels, in oar en dyn omjouwing om? Doarsto yn syn wrâld te stappen?

Doelgroep	pû, groep 6 o/m 8
Wurkfoarmen
Leargebieten	Fryske taal en kultuer, boargerskip, mins en maatskippij, keunst en kultuer
Kearndoelen	Oansluting by konsept kearndoelen Fryske taal en kultuer 1, 2 en 5 en kearndoelen 20, 25, 26, 27, 28 en 37
Lingte	museumbesite fan 60-75 minuten museumbesite yn kombinaasje mei oanslutende workshop yn it atelier: 120 minuten

kick-offs ûnderwiisprogramma's

meld dy oan

ynkoarten: kening redbad

5 septimber 2026

boek oanslutend in kreative ambachtsworkshop yn it atelier

It ûnderwiisbesyk wurdt noch leuker mei in workshop yn it atelier:

Meitsje dyn eigen fibula (mantelspjelde) fan izertried en glêskralen
Untwerp dyn eigen munt fan klaai

Net ferplichte, wol superleuk!

tarieding yn ’e klasse

Tsjil Tsjekt Kening Redbad – Frysk mei Nederlânske ûndertiteling

Besjoch yn ’e klasse de fjouwerdielige fideosearje mei Tsjil Tsjekt oer Redbad en syn tiid. Doelgroep groep 6, 7 en 8 primêr ûnderwiis. Untwikkele troch Omrop Fryslân yn gearwurking mei Afûk, Cedin en Fries Museum. Mei yngong fan 14 septimber 2026 online.

Rollespul Mythemakers yn ’e maak

Op dit momint ûndersykje wy mei Mythemakers oft it rollespul Mythwatch: the Age of Redbad geskikt is foar pû-learlingen, hâld dizze website yn ’e gaten!
Spilers belibje op in ynteraktive manier de tiid fan Redbad.

mythwatch: the age of redbad

histoarysk ûndersyk wurdt spylber

praktysk

In museumdosint begeliedt it ûnderwiisbesyk. Fanôf 16 learlingen ferdiele wy de groepen oer twa museumdosinten. Mei beide helten kin ien folwoeksene mei as begelieder. Wolsto dat de rûnlieding yn it Frysk jûn wurdt, jou dat dan oan. Sjoch foar mear praktyske dingen oer boekingen hjir.

praktische informatie

openingstijden, museumdocenten, prijzen en meer