Fan wa bisto ien? Wêr komsto wei? Wa'tst hjoed bist, is in optelsom fan in hiel soad dingen. Hoe maklik wie it foar dyn pake en beppe om nei skoalle te gean? Hoe is dyn doarp troch de jierren hinne feroare? Wat fûnen dyn âlden normaal? It binne allegearre stikjes dy't dy wat meitsje.
De kommende jierren giet it Fries Museum 'op paad'troch Fryslân mei in bus fol stikken dy't wat sizze oer dy. Oer ús. Oer ús provinsje en ús gewoanten. En it moaie is: it binne ek écht stikjes fan dy.
Op 14 desimber stie it Fries Museum op it Lemster Dickens Festijn mei in oantal fan dizze ‘stikjes fan dy’. By de museumbus koene besikers ferskate bysûndere museumstikken bewûnderje, wêrûnder in sierpot fan Lemster tsjerfsnee-ierdewurk, klompredens, Frysk'nepjild', én in orizjineel skilderij fan de ferneamde skilder Piet Mondriaan.
Datum: sneon 14 desimber
Tiid: 16.00 - 21.00 oere
