fries museum op paad

mei stikjes fan dy

Fan wa bisto ien? Wêr komsto wei? Wa’tsto hjoed bist, is in optelsom fan in hiel soad dingen. Hoe maklik wie it foar dyn pake en beppe om nei skoalle te gean? Hoe is dyn doarp troch de jierren hinne feroare? Wat fûnen dyn âlders gewoan? Dat binne allegear stikjes dy’t dy in bytsje ta dy meitsje.

De kommende jieren giet it Fries Museum 'op paad' troch Fryslân mei in bus fol stikken dy’t wat sizze oer dy. Oer ús. Oer ús provinsje en ús gewoanten. En it moaie is: it binne ek écht stikjes fan dy.

De kommende jierren reizget it museum troch de provinsje mei échte kolleksjestikken, nei it plak dêr’t se wei komme. De museumstikken foarmje op lokaasje de basis foar moeting, ferbining en goede petearen. Wat betsjut erfgoed foar ús? Wat fertelt it oer my en myn identiteit? Is it belangryk om keunst en erfgoed te bewarjen? En: watfoar oantinkens en ferhalen oer in plak ropt sa’n objekt op? It wurdt in moeting fan wjerskanten, want it museum sil ferhalen fan de bewenners dokumintearje. Sa wurdt op it plak sels de kennis oer de kolleksje ferrike.

aginda

ûntdekke wannear wy by dy binne

20 september 2024

seisbierrum

freed 22 novimber: mei it bysûndere ferhaal fan fersetsman folkert bergsma

werom nei histoaryske plakken

Foar it Fries Museum is it bewarjen en ûntsluten fan de kolleksje (mei mear as 200.000 foarwerpen) in kearntaak. Sûnt it opnij iepenjen fan it museum op 13 septimber 2013 besochten hast oardel miljoen besikers út hiel Nederlân en fier dêrbûten wei blockbustertentoanstellingen lykas Alma-Tadema, Escher op reis, Mata Hari en Rembrandt & Saskia. Mar noch net alle Friezen hawwe it nije museum besocht. It museum is bliid mei dizze mooglikheid om noch mear Friezen yn oanrekking komme te litten mei harren erfgoed.

pilot yn hantum

Bewenners fan Hantum ûntdieken by in pilot foar it Fries Museum mear oer in byld fan de hillige Sint Dionysius fan Parys.

tank oan de vriendenloterij

It Fries Museum is geweldich bliid mei in golle jefte fan de VriendenLoterij, wêrtroch’t elkenien yn Fryslân strak genietsje kin fan de kolleksje fan Fryslân. It museum krijt mar leafst 1 miljoen euro foar it projekt Fries Museum op Paad. De VriendenLoterij fiert wat it libben moai makket: ús ferbûnens mei oaren en mei ús keunst en kultuer. Tanksij 1,1 miljoen dielnimmers koe de VriendenLoterij oer 2022 byelkoar opteld in bedrach fan € 134,8 miljoen skinke oan 57 kulturele partners en mear as 3500 goede doelen, clubs en ferieningen.

nije projektlieder

jacqueline spendel nije projektlieder fries museum op paad

museumstukken reizen door fryslân

1 miljoen van vriendenloterij voor realisatie fries museum op paad

ûntdekke mear

oer de rike kolleksje fan fryslân