Fan wa bisto ien? Wêr komsto wei? Wa'tst hjoed bist, is in optelsom fan in hiel soad dingen. Hoe maklik wie it foar dyn pake en beppe om nei skoalle te gean? Hoe is dyn doarp troch de jierren hinne feroare? Wat fûnen dyn âlden normaal? It binne allegearre stikjes dy't dy wat meitsje.
De kommende jierren giet it Fries Museum 'op paad' troch Fryslân mei in bus fol stikken dy't wat sizze oer dy. Oer ús. Oer ús provinsje en ús gewoanten. En it moaie is: it binne ek écht stikjes fan dy.
Op sneon 10 maaie wie it museum, mei de museumbus, te gast yn Winsum by Winsum op 'e kaart 2.0! Ferhalenfertellers wiene oanwêzich om besikers alles te fertellen oer de ‘stikjes fan dy’. Spesjaal foar de gelegenheid namen we in part fan' de Fikingskat fan Winsum ' mei.
Datum: sneon 10 maaie 2025
