Wy wiene ‘op Paad’ oer it Waad! Fan tongersdei 27 maart o / m sneon 29 maart wie it Fries Museum op Skylge. Trije dagen lang wie de museumbus mei'stikjes fan dy ' op ferskate plakken op it eilân te finen. Spesjaal foar de gelegenheid naam it museum in bysûnder foarwerp mei dat bot ferbûn is oan Skylge: in portret fan in learling fan de seefeartskoalle, makke troch Tryntsje Nauta.
Bekijk de terugblik van Terschelling, Skylge op Instagram
programma
Op tongersdei 27 maart brocht de museumbus in besite oan OBS’t Jok, spesjaal foar de learlingen fan de skoalle.
Op freed 28 maart wie de museumbus te finen op it Brandarisplein by de ynskriuwing fan de Fjoertoer. Dielnimmers dy't harren startbewiis ophelje en foarbygongers koene yn de kunde komme mei de museumstikken. In ferhaleferteller gie yn op de bysûndere ferhalen efter de foarwerpen.
Tiid: 11.00 - 17.00 oere
Lokaasje: Brandarisplein, by de Fjoertoer
Op sneon 29 maart wie it museum te gast by De Stilen foar de bewenners fan it wensoarchkompleks. Ek buertbewenners wiene fan herte wolkom.
Tiid: 10.00 - 11.00 oere
Lokaasje: Wensoarchkompleks De Stilen (Longway 2, 8881 CN West-Skylge)
de see ropt
Skylge en de seefeart. Se binne ûnskiedber mei-inoar ferbûn. Alle jierren reizgje jongeren ôf nei it eilân om te studearjen oan Maritiem Instituut Willem Barentsz. Hjir riede se harren ta op in libben op see. Foar har fotoboek De Zee Roept (2011) portrettearre keunstner Tryntsje Nauta de jonge seelju yn dizze bepalende libbensfaze: fan jeugd nei folwoeksenens, in nimmenslân tusken twa wrâlden, skynber tusken wâl en skip. Jordi is ien fan harren. Spesjaal foar dizze besite naam it museum syn portret mei nei it eilân.
