Fan wa bisto ien? Wêr komsto wei? Wa'tst hjoed bist, is in optelsom fan in hiel soad dingen. Hoe maklik wie it foar dyn pake en beppe om nei skoalle te gean? Hoe is dyn doarp troch de jierren hinne feroare? Wat fûnen dyn âlden normaal? It binne allegearre stikjes dy't dy wat meitsje.
De kommende jierren giet it Fries Museum 'op paad' troch Fryslân mei in bus fol stikken dy't wat sizze oer dy. Oer ús. Oer ús provinsje en ús gewoanten. En it moaie is: it binne ek écht stikjes fan dy.
Op sneon 19 july 2025 wie it museum, mei de museumbus, te gast op it Koudumer Simmerfestival! Ferhalenfertellers wiene oanwêzich om besikers alles te fertellen oer de ‘stikjes fan dy’.
Datum: sneon 19 jul 2025
Tiid: 10.00 - 16.00 oere
