Eartiids wie it lânskip fan Fryslân folle kleurriker as hjoed. Dit komt omdat der doetiids mear ferskillende gewaaksen ferboud waarden as tsjintwurdich. Keunstner Jentsje Popma wijde it meastepart fan syn skilderijen oan dit kleurrike Fryske lânskip. Syn wurk is dêrmei in oantinken oan eartiids.
Op sneon 12 july 2025 wie it Fries Museum te gast by Botmas yn Ingwierrum, mei in feestlik fergees programma foar jong en âld! Spesjaal foar de gelegenheid naam it museum in bysûnder skilderij mei fan de ferneamde Fryske lânskipsskilder Jentsje Popma. Op dit skilderij is in kleurryk koalsiedfjild te sjen. Popma skildere it Fryske lânskip faak sa't er it graach seach: kleurryk, fol sfear en sûnder eleminten dy't er ûnsjoch fûn. Besikers koene it orizjinele skilderij bewûnderje, oanskowe by in kreative workshop foar jong & âld, en alles ûntdekke oer it skilderij en de Fryske lânskippen fan eartiids en no by in ferhalemiddei. It programma wie folslein fergees.
Datum: sneon 12 july 2025
Tiid: 14.00 – 18.00 oere
Lokaasje: Botmas (Bûtendykswei 27, 9132 ED Ingwierrum)
Foto's troch Aron Weidenaar
