Klik hier voor de Nederlandse pagina.Al sa'n 115 jier meitsje de oerbliuwsels fan de'terpenhond ' út Ferwert diel út fan de rike archeologyske kolleksje fan it Fries Museum. Dochs wiene der oant koart noch in soad fragen oer it bist: yn hokker tiid libbe de hûn, hoe seach it derút, wie it sûn, hoe âld wie it doe't it stoar en wie it in teef of reu? No, yn 2025, hat it Fries Museum nei in wiidweidich ûndersyk lang om let byld by ‘ús húsdier’
Op dieredei, sneon 4 oktober 2025, komt de 'Terpehûn' wer efkes thús! Mei in feestlik programma foar jong en âld, hûneleafhawwers, én sels katteminsken, fertelt it museum mear oer de hûn. Sa is der in spesjale ferhalemiddei wêryn't ekspert Diana Spiekhout, konserfator fan it Fries Museum, fertelle wa't de hûn wie, mar ek hoe't de rol fan it bist feroare is troch de jierren hinne. De jongste besikers kinne oanskowe by in fergeze kreative workshop wêryn't se yn de hûd krûpe fan in archeolooch! Fansels is ek de museumbus oanwêzich dêr't noch mear unike museumstikken te bewûnderjen binne. Ferhalenfertellers binne oanwêzich om dy der alles oer te fertellen. Elkenien is fan herte wolkom, kom ek del!
Datum: sneon 4 oktober 2025
Tiid: 10.00 - 17.00 oere
Lokaasje: Besikerssintrum Hegebeintum, Pypkedyk 4, 9173 GC Hegebeintum (Parkeren kin by de Bietenopslag op de Harstawei, op 5 minuten rinne fan it ynfosintrum.)
Besjoch hjirûnder it programma.
