Fan wa bisto ien? Wêr komsto wei? Wa'tst hjoed bist, is in optelsom fan in hiel soad dingen. Hoe maklik wie it foar dyn pake en beppe om nei skoalle te gean? Hoe is dyn doarp troch de jierren hinne feroare? Wat fûnen dyn âlden normaal? It binne allegearre stikjes dy't dy wat meitsje.
De kommende jierren giet it Fries Museum 'op paad' troch Fryslân mei in bus fol stikken dy't wat sizze oer dy. Oer ús. Oer ús provinsje en ús gewoanten. En it moaie is: it binne ek écht stikjes fan dy.
Op sneon 26 july 2025 wie it Fries Museum te gast yn Driezum-Wâlterswâld op de Boeredei op de Hynstedagen. Op dizze gesellige merk mei mear as sechstich stands, wie de museumbus te finen op it terrein by doarpshûs De Nije Warf. Besikers koene hjir alles ûntdekke oer de bysûndere museumstikken!Lokaasje: Foarwei 31 a, Wâlterswâld
Mear ynfo oer it evenemint fia www.paardendagen.nl
