Op sneon 8 maart wie it Fries Museum te gast by Museum Dr 8888! Op dizze dei iepene it museum yn Drachten de tentoanstelling Johan van Aken: Abstracte Geometrie. Ta gelegenheid fan de iepening namen wy in wurk fan de keunstner út ús eigen kolleksje mei. Dit wurk wie te sjen yn de museumbus, dy't foar de doar fan it museum stie.
Sjoch foar mear ynformaasje op museumdrachten.nl.
Foto's troch Marieke Balk
Eksklusyf foar Freonen fan it Fries Museum organisearren wy, yn gearwurking mei Museum Dr 8888, in feestlik programma om Ynternasjonale Frouljusdei hinne. Wybren Jorritsma (direkteur Museum Dr 8888) ljochte de rol fan froulju yn de kolleksje fan Museum Dr 8888 ta. Dêrnei fertelde Judith Spijksma (konservator hjoeddeiske keunst, Fries Museum) oer it portret fan Nelli de Vrieze, en joech Annemieke Keizer-Sloff (konservator Museum Dr 8888) in yntroduksje op de nije tentoanstelling oer Johan van Aken (1948 -2021).
Noch gjin Freon? Stipe it museum en profitearje fan eksklusive foardielen. Sjoch foar mear ynformaasje op friesmuseum.nl/wordvriend.
