de knipe

programma 

15.00 - 17.00 Workshop: boadskiptassen meitsje
Yn de 18e iuw wie it hast ûntinkber dat ien 113 jier âld wurde koe. Dochs wie Fockje fan De Knipe in libjend bewiis fan in lang en sûn libben. Har hege leeftiid makke har ta in wiere romrofte: minsken fan fier en hein reizgen nei Fryslân om har mei eigen eagen te sjen. Wat wie har geheim? Nei alle gedachten in sûne libbensstyl! Om dy op wei te helpen meitsje wy yn dizze fergeze famyljeworkshop in eigen'sûne boadskiptas '. Mei tekstylferve en farske, sûne yngrediïnten fersierst in katoenen boadskiptas. Dizze tas fol fruitige prints is perfekt om mei ‘op paad’ te nimmen en dyn eigen sûne boadskippen mei te dwaan.

19.30 – 20.30 oere Ferhalejûn
Op de ferhalejûn geane eksperts Marlies Stoter (Fries Museum) en Yvonne Stienstra-Gootjes (dokter ynternasjonale sûnenssoarch en tropegenêskunde) yn op it unike ferhaal fan Fockje Johannes. Wêrom wie it sa bysûnder om yn dy tiid sa âld te wurden? Wat binne hjiryn de oerienkomsten mei ús eigen libben? En hokker lessen kinne wy leare fan Fockje Johannes?

oer fockje johannes

Fockje Johannes waard yn 1660 berne yn De Knipe. As se op 26 novimber 1773 yn Aldeboarn ferstjert, hat se krekt har 113de jierdei fierd. Yn ús tiid is dat al ûnbekend âld, yn de achttjinde iuw is it wat ûnfoarstelbers. Fockje is yn har lêste jierren dan ek in soarte fan ferneamdens. Rike en foarname minsken komme fan fier nei Fryslân reizge, om mei eigen eagen sa'n âlde frou te sjen. In maklik libben wie it net foar de ûnferwoestbere Fockje. Se ferlear har âlden al betiid, wie 63 jier lang widdo en oerlibbe trije fan har fjouwer bern.