Fan wa bisto ien? Wêr komsto wei? Wa'tst hjoed bist, is in optelsom fan in hiel soad dingen. Hoe maklik wie it foar dyn pake en beppe om nei skoalle te gean? Hoe is dyn doarp troch de jierren hinne feroare? Wat fûnen dyn âlden normaal? It binne allegearre stikjes dy't dy wat meitsje. It Fries Museum is ' op paad'troch Fryslân mei in bus fol stikken dy't wat sizze oer dy. Oer ús. Oer ús provinsje en ús gewoanten. En it moaie is: it binne ek écht stikjes fan dy.
Op tongersdei 29 maaie wie de museumbus te finen op de blomkemerk yn Ljouwert! Yn de bus wiene ferskate ‘stikjes fan dy’ te bewûnderjen. Ferhalenfertellers wiene oanwêzich om dy der alles oer te fertellen. Dizze Himelfeartsdei pakten we ekstra feestlik út: gjinien minder as Curvalicious Diamond wie derby, klaaid yn in spektakulêre blommelist!
Datum: tongersdei 29 maaie 2025 (Himelfeartsdei)
