bitgum(mole)

oer grut terhorne 

Tusken Bitgum en Bitgummole, op it plak dêr't no it fuotbalfjild leit, stie oant 1897 in grut lânhûs: de state Groot Terhorne. De state wie hast trije iuwen lang yn it besit fan de aadlike famylje Schwartzenberg. En elke generaasje wreide it goed út, want it gong se foar de wyn. Sa waard de state ferboud en kaam der in bosk by. Mar benammen de tunen lutsen de oandacht. Kening Willem III kaam der yn 1852 sels noch sjen.

Tsjin dy tiid waaide der in oare wyn yn Nederlân. De Fryske adel wenne faak bûten de provinsje, en foar harren waard it ûnderhâld fan dit soart bûtenpleatsen hieltyd djoerder. Dat jilde ek foar Groot Terhorne. Earst sneuvele de bosk, mar yn 1868 moast ek de state sels deroan leauwe, om plak te meitsjen foar lânbougrûn. De wynwizer bedarre yn it museum. Dochs is dat net de ein fan it ferhaal. De poarte is altyd stean bleaun, en in part fan it âlde lângoed is no wer yn eare wersteld.

fries museum op paad 

Fan wa bisto ien? Wêr komsto wei?Wa'tst hjoed bist, is in optelsom fan in hiel soad dingen. Hoe maklik wie it foar dyn pake en beppe om nei skoalle te gean? Hoe is dyn doarp troch de jierren hinne feroare? Wat fûnen dyn âlden normaal? It binne allegearre stikjes dy't dy wat meitsje.

It Fries Museum is 'op paad' troch Fryslân mei in bus fol stikken dy't wat sizze oer dy. Oer ús. Oer ús provinsje en ús gewoanten. En it moaie is: it binne ek écht stikjes fan dy. Kom se bewûnderjen en ûntdek der alles oer!