Op tongersdei 10 oktober 2024 wie it museum te gast yn wensoarchsintrum Berchhiem yn Burgum mei de 'parasjutejurk' fan Hinke Koopmans. Sy troude yn in selsmakke troujurk, makke fan parasjutestof. De stof kaam fan in Amerikaanske bommewerper, dat tastel makke yn 1944 in needlâning tusken Warten en Earnewâld. Letter hat Hinke noch op de deibesteging sitten fan Berchhiem. Yn de moarntiid fertelde Marre Sloots, konservator fan it Fries Verzetsmuseum, mear oer de jurk, de draachster en it fleantúch.