Fan wa bisto ien? Wêr komsto wei? Wa'tst hjoed bist, is in optelsom fan in hiel soad dingen. Hoe maklik wie it foar dyn pake en beppe om nei skoalle te gean? Hoe is dyn doarp troch de jierren hinne feroare? Wat fûnen dyn âlden normaal? It binne allegearre stikjes dy't dy wat meitsje.
It Fries Museum is 'op paad' troch Fryslân mei in bus fol stikken dy't wat sizze oer dy. Oer ús. Oer ús provinsje en ús gewoanten. En it moaie is: it binne ek écht stikjes fan dy.
Op tongersdei 5 juny stie de museumbus by Stasjon Snits! Besikers genieten fan in fergeze iisko by de IJsco-Caravan fan Arriva en ûntdutsen de bysûndere ferhalen achter dizze stikjes fan dysels. Ferhalenfertellers wiene oanwêzich om der alles oer te fertellen. Ek giene besikers oan de slach mei in bouplaat fan in trein.
Datum: tongersdei 5 juny 2025
Tiid: 13.00 – 18.00 oere
Yn gearwurking mei Arriva en it Nationaal Modelspoor Museum yn Snits.
