Yn de jierren’30 stuitten arbeiders yn Appelskea op in bysûndere fynst. Under it stosân, yn in tinne laach fean, fine se in fraai fersierd mes fan brûns. Nei alle gedachten hawwe minsken it bewust yn in ritueel yn it fean efterlitten yn de lette boarnetiid (tusken 1100 en 800 foar Kristus). It goed 2800 jier âlde mes komt nei alle gedachten út Noard-Dútslân. Brûns kin nammentlik net makke wurde fan materialen út de Fryske boaiem. Dochs lei dit kostbere foarwerp iuwenlang ferburgen yn it fean. Hoe kaam it yn de boaiem fan Appelskea telâne? Wêr tsjinne it foar? En hoe is it sa goed bewarre bleaun?
Op tongersdei 8 maaie 2025 kearde dit unike foarwerp wer foar even werom nei Appelskea. It Fries Museum wie ‘op paad’ mei it orizjinele mes. Yn Doarpskeamer De Den organisearren wy in feestlik, fergees programma foar jong en âld. Besikers koene it mes fan tichtby bewûnderje en meidwaan oan twa kreative famyljeworkshops. Jûns wie der in ferhalejûn dêr't eksperts Diana Spiekhout (Fries Museum) en Marianne Kootstra (auteur) mear fertelden oer it mes én oer it Appelskea fan eartiids.
Datum: tongersdei 8 maaie 2025.
Genietsje hjirûnder nei mei de foto's fan Rens Hooyenga.
