Op freed 25 oktober is it Fries Museum op besite yn Warten mei de orizjinele parasjutejurk fan Hinke Koopmans út Garyp. Se makke de jurk sels, fan parasjutestof dy’t út in Amerikaanske bommesmiter komt. Dat fleantúch makke yn 1944 yn needlanning deunby Warten. Mei in programma foar jong en âld, yn en om restaurant de Kok & de Walvis, fertelt it museum mear oer de jurk, de draachster en it delstoarte fleantúch. Sko oerdeis fan 15.00 oant 17.00 oere oan mei it hiele gesin by de famyljewurkwinkel en meitsje in eigen minyparasjute. Of harkje jûns fan 19.00 oant 19.30 oere nei de boeiende ferhalen fan ekspert Marre Sloots (konservator fan it Fries Verzetsmuseum). It museum is ek benijd nei persoanlike ferhalen fan de ynwenners fan it doarp en de omlizzende doarpen. Alle ynteressearren binne fan herte wolkom! Sjoch foar it folsleine programma en mear ynformaasje op www.friesmuseumoppaad.nl/warten.
de jurk dy’t út de loft foel
As der mar beheind materiaal is om mei te wurkjen, moatst ymprovisearje mei watst hast. Yn de Twadde Wrâldoarloch al hielendal. Stoffen foar moaie jurken binne yn 1944 seldsum, mar bytiden komme se samar út de loft fallen. Foar Hinke Koopmans út Garyp is dat grif sa. Sy trout yn in jurk, makke fan parasjutestof. Wierskynlik komt dy út in Amerikaanske bommesmiter mei de bynamme ‘ ‘Yankee Rebel Harmony’. Dat tastel makket yn maart 1944 yn needlanning deunby Warten.
