fries museum, omrop fryslân en leen een fries presintearje ‘it knottekistje’

Ek Siepie Faber út Easterlittens dielt yn ’e searje it ferhaal fan har bysûndere relaasje. Siepie troude begjin jierren tachtich mei Harm, in stoere frachtweinsjauffeur. Nei sa’n tritich jier houlik fertelde Harm dat er him frou fielde en syn libben as frou fuortsette woe. Harm waard Harriët, en fan ’e iene op ’e oare dei libbe Siepie tegearre mei in frou yn stee fan mei de man dêr’t se mei troud wie. Hoe giest om mei sa’n yngripende feroaring? Yn It Knottekistje fertelt Siepie iepenhertich oer de ynfloed fan dy transformaasje op harren houlik.

knottekistje
De titel fan ’e searje ferwiist nei in âlde Fryske tradysje oangeande it houliksoansyk. Yn ’e sechstjinde iuw bea in jonge it famke fan syn dreamen in pear jildstikken oan, ferpakt yn in knottedoek: in doek mei in losse knoop. Wannear’t it famke de knoop oanluts, dan wie har antwurd posityf en de ferloving in feit. Doe’t de wolfeart tanaam, hat de knottedoek plak romme foar in sulveren doaske: it knottekistje.

fries museum op paad
In foarbyld fan sa’n knottekistje is ek te sjen yn ’e museumbus fan Fries Museum op Paad. Mei dat projekt bringt it Fries Museum hiel Fryslân op in leechdrompelige wize yn oanrekking mei keunst, kultuer en skiednis. De museumbus, fol mei échte kolleksjestikken, reizget noch oant en mei it neijier fan 2026 troch de provinsje. It projekt wurdt mooglik makke troch de VriendenLoterij. Sjoch foar mear ynformaasje op friesmuseumoppaad.nl.

It Knottekistje is in gearwurkingsprojekt fan Omrop Fryslân, Leen een Fries (in inisjatyf fan Fers en de Fryske Biblioteken) en Fries Museum op Paad.

Fries Museum op Paad wurdt mooglik makke troch de VriendenLoterij.

Fries Museum op Paad wurdt mei mooglik makke troch it Mondriaan Fonds, Vfonds, Cultuurfonds, Iepen Mienskipsfûns, Haaima Hylkema, FGD Assurantiën, FGD Lease, Meindersma Sybenga Stichting en de Boersma Adema Stichting.

It Fries Museum wurdt mei finansiere troch Windpark Fryslân, de Provinsje Fryslân, it Ministearje fan Underwiis, Kultuer en Wittenskip, de VriendenLoterij, Ir. Abe Bonnema Stichting en de Freonen fan it Fries Museum.